Nakita n'yo ba sya, ang aking nawawalang baywang?  Matagal na rin siyang nawawala...simula pa noong 2004 nung umabot ang timbang ko sa 140 lbs.  Noong 2005, pagkatapos kong magpakamatay sa kaka-diet, nagkita kami sandali.  Pero pagkatapos ng ilang buwan, unti-unti siyang nawala hanggang sa tuluyang naglaho.

Baka sakaling matulungan ninyo akong mahanap siya.  Sukat n'ya'y 28 inches, di gaanong malaman, di naman kapayatan. Maganda siyang magdala ng damit.  Mahilig siyang sumayaw.  Sa pagkain, ayaw na ayaw niya ng matatamis, nakakapangit daw kasi.

Nasaan ka na, my waistline? Miss na miss na miss na kita.  Sana sa birthday ko, magbalik ka na.